ΑΡΕΙΟΣ ΠΟΤΗΡ και η του φιλοσόφου λίθος

Δούρσλειος και η γυνή ενώκουν τη τετάρτη οικία τη της των μυρσίνων οδού· εσεμνύνοντο δε περί εαυτούς ως ουδέν διαφέρουσι των άλλων ανθρώπων, τούτου δ' ένεκα χάριν πολλήν ήδεσαν. διόπερ νομίζοις αν αυτούς εν πρώτοις είναι των μη μετεχόντων του θαυμασίου, ως περί ουδενός τα τοιαύτα ποιουμένους και αλαζονειαν καλούντας. ο δε Δούρσλειος κύριος ην εργαστηρίου τινός Γρούνιγγος καλουμένου ούπερ τρύπανα και τέρετρα παντοδαπά ποιείται. και μέγας τ' ην το είδος και μάλιστα ογκώδης· τον μεν γαρ αυχένα ουκ ην ράδιον ιδείν πάχιστον όντα, μύστακα δ' αν ίδοις αυτώ δασύν ως σφόδρα. η δε γυνή ουδαμώς παχεία ούσα λευκόθριξ τ' ην και δολιχαύχην· διπλούν γαρ είχεν αυχένα ή κατά φύσιν και μάλα χρήσιμον επί το ράον επιτηρείν γερανού δίκην τους γείτονας σκοπούσα υπέρ το τειχίον. και υιόν είχον οι Δούρσλειοι έτι παιδίον όντα ονόματι Δούδλιον τον δ' ηγούντο το κάλλιστον είναι των εν ανθρώποις.